Vayoshri Yojana वयोश्री योजना फॉर्म भरणे चालू, वयोश्री योजनेसाठी पात्रता व निकष

राज्यातील ज्येष्ठ नागरिकांना आपले जीवन चांगले व सुखकर जगण्यासाठी शासनाकडून वेगवेगळ्या योजना आखल्या जातात. वयोश्री योजना जिल्हाधिकारी कार्यालय व आयुक्त कार्यालय यांच्यामार्फत चालवली जाणार आहे. ज्येष्ठ नागरिकांना वयोश्री योजनेअंतर्गत महिना 3000 रुपये मानधन मिळणार आहे. 65 वर्ष वय व त्यावरील जेष्ठ नागरीकांना त्यांच्या दैंनदिन जीवनात सामान्य स्थिती जगण्यासाठी आणि त्यांना वयोमानपरत्वे येणा-या अपंगत्व, अशक्तपणा यावर उपाययोजना करण्यासाठी आवश्यक सहाय्य साधने / उपकरणे खरेदी करणे करीता तसेच मन:स्वास्थ केंद्र, योगोपचार केंद्र इत्यादीद्वारे त्यांचे मानसिक स्वास्थ अबाधित ठेवण्यासाठी राज्यात "मुख्यमंत्री वयोश्री योजना" राबविण्यास शासन निर्णय जेष्ठना 2022 / प्र.क्र.344/600 दिनांक 06 फेब्रुवारी 2024 शासन मान्यता देण्यात आलेली आहे. 65 वर्ष वय असणा-या जेष्ठ नागरीकांकरीता आवश्यक सहाय्य साधने / उपकरणे खरेदी करण्याकरीता एकरकमी 3000/- रुपये पात्र लाभार्थ्यांच्या बँकेच्या वैयक्तिक आधार संलग्न बचत खात्यात जमा करण्यात येणार आहे.

अर्जासोबत अनुक्रमे खालील कागदपत्रे आवश्यक आहेत

1. अर्जदाराचे आधार कार्ड / मतदान कार्ड/शासननाने ओळखपत्र पटविण्यासाठी विहीत केलेली अन्य कागदपत्राचे झेरॉक्स
2. पासपोर्ट आकाराचे 2 फोटो
3.  अर्जदाराचे वय 65 वर्षे पूर्ण असलेबाबतचा पुरावा. 
4. आर्थिक वर्षातील रू. 2.00 लाखाच्या आतील स्वयंघोषणापत्र.
5. अर्जदाराचे राष्ट्रीयीकृत बँकेचे पासबुकची झेरॉक्स प्रत, सदर खाते आधारशी संलग्न असणे आवश्यक आहे.
6. मागील ३ वर्षात स्थानिक स्वराज्य संस्था / सरकारी स्त्रोतांकडून तेच उपकरण विनामूल्य प्राप्त केलेले नसलेबाबतचे लाभार्थ्यांचे स्वयंघोषणापत्र, 
7. अर्जदारास उपकरण खरेदीसाठी अनुदान प्राप्त होताच एक महिन्याच्या आत उपकरण खरेदी करणार असलेबाबत तसेच उपकरण खरेदी न केल्यास सदरची रक्कम परत घेण्यास हरकत नसलेबाबतचे स्वयंघोषणापत्र. (उपकरण खरेदीची पावती एक महिन्याच्या आत कार्यालयास सादर करणेची आहे). 
8. अर्जदाराचा उपकरणाची आवश्यकता असलेबाबतचा डॉक्टरांचा तपासणी अहवाल. (सदरचा अहवाल दिनांक 01/04/2024 नंतरचा असावा)

या योजनेत लाभार्थ्यांना मिळणारे उपकरण

एका अर्जदारास एकाच उपकरणाचा लाभ घेता येईल. या योजनेतून 

1. चष्मा, 
2. श्रवणयंत्र, 
3. ट्रायपॉड स्टिक, 
4. व्हील चेअर, 
5. फोल्डिंग वॉकर, 
6. कमोड खूर्ची, 
7. नि-ब्रेस, 
8. लंबर बेल्ट 
9. सर्वाइकल कॉलर इ. उपकरणांपैकी एका उपकरणाच्या खरेदीसाठी अर्थसहाय्य मिळणार आहे.

योजनेचा कालावधी

दिनांक 24/08/2024 पासून फॉर्म भरण्यास सुरुवात